15.11.2019
Thèid bile aig a bheil e mar amas cur
ri dìon luchd-obrach mion-reic a sgrùdadh le Comataidh Eaconomaidh, Lùtha agus
Obair Chothromach.
Thèid bile aig a bheil e mar amas cur
ri dìon luchd-obrach mion-reic a sgrùdadh le Comataidh Eaconomaidh, Lùtha agus
Obair Chothromach.
Tha a’ Chomataidh air gairm a
sgaoileadh ag iarraidh bheachdan air Bile Dìon Luchd-obrach (Mion-reic agus
Bathar is Seirbheisean fo Chuing a rèir Aoise) (Alba). Chaidh am Bile Bhall a
thoirt a-steach le Dòmhnall MacIain BPA agus e mar amas ris cur ri dìon
luchd-obrach reic mar a leanas:
-
A bhith a’ toirt ionnsaigh, maoidheadh, mì-ghnàthachadh,
casg no bacadh air neach-obrach mion-reic a dhèanamh na choire reachdail; agus
-
Tromachadh reachdail a chur ris a’ choire sin nuair a
bhios srianadh reachdail a rèir aoise ga chur an gnìomh aig an neach-obrach
mion-reic.
Thuirt Neach-gairm na Comataidh,
Gòrdan Lindhurst BPA:
“Tha e mar amas sònraichte aig an
reachdas a thathar a’ moladh sealltainn air dìon luchd-obrach mion-reic le
bhith a’ cruthachadh coire ùr ri cur an sàs nuair a bhios ionnsaigh,
maoidheadh, mì-ghnàthachadh, casg no bacadh air neach-obrach mion-reic ann an
tarraing a-mach na h-obrach aca.
“Tha sinn ag iarraidh cluinntinn bho
dhaoine agus bho bhuidhnean mun bhuaidh a bheireadh an reachdas seo an cois an
reachdais a tha ann an-dràsta.”
Cùl-fhiosrachadh
Tha
am Bile agus na sgrìobhainnean na chois rim faotainn air làrach-lìn Pàrlamaid
na h-Alba
Is iad na ceistean air am bu
mhath leis a’ Chomataidh beachdan a chluinntinn:
· Dè do
bharail air a’ Bhile agus dè a’ bhuaidh a bheir e?
· Mothachail air na coireannan a tha ann an-dràsta (m.e. ionnsaigh fon lagh
chumanta) a bheil feum air coire ùr reachdail de bhith ag toirt ionnsaigh, a’
maoidheadh, a’ mì-ghnàthachadh, a’ casg no a’ bacadh neach-obrach mion-reic?
· Dè na buannachdan no na duilgheadasan a dh’fhaodadh a leithid de choire
cruthachadh?
· Am bu chòir gun toireadh a’ choire ùr a-steach na h-eileamaidean gu lèir
a thathar a’ moladh anns a’ Bhile (m.e. am bu chòir gum biodh casg no bacadh
air neach-obrach mion-reic na eucoir, mar a tha cheana airson cuid de luchd-solair
sheirbheisean-èiginn?
· A bheil an cuideam air luchd-obrach mion-reic iomchaidh (m.e. a bheil e
tuilleadh is cumhang gun a bhith a’ toirt a-steach luchd-obrach eile a
dh’fhaodadh a bhith, mar thoradh air an obair aca, fo bhagairt giùlain
mhì-ghnàthachail?
· Dè an diofdar a nì an tromachadh a thathar a’ moladh, nuair a bhios cur
an gnìomh srianaidh reachdail a rèir aoise ann?
· Dè a’ bhuaidh ionmhasail a bheir na molaidhean?
· Dè na gnìomhan eile as còir no a bu chòir gabhail gus luchd-obrach
mion-reic is eile a dhìon?
· A bheil nithean sam bith eile sa Bhile air am bu mhath leat beachd a
thoirt?
Gheibhear
a' ghairm airson fianaise, a tha fosgailte gu Dihaoine 31 Faoilleach 2020,
air-loidhne an seo..