06.02.2015
Thathar a’ comharradh 10 bliadhna de cho-obrachadh na pàrlamaid le Malabhaidh an-diugh agus triùir BhPA a’ togail orra gu Seanadh Nàiseanta Mhalabhaidh.
Tha an Leas-Oifigear Riaghlaidh, Elaine Nic a’ Ghobhainn BPA, os cionn na buidhne a tha a’ dol ann, cuide ri James Dornan BPA agus Liam MacArthur BPA. Gabhaidh a’ bhuidheann clàr de choinneamhan is de thursan-tadhail os làimh gu Seanadh Nàiseanta Mhalabhaidh agus Lilongwe is Blantaidhr.
Lìbhrigidh na BPAan bùthan-obrach do BhPAan Mhalabhaidh air cuspairean sònraichte, nam measg obair-sgrùdaidh air reachdas lagha agus mar a ruithear rannsachaidhean chomataidhean. Cuideachd, bidh iad còmhla ri Neach-labhairt an t-Seanaidh Nàiseanta is BPAan Mhalabhaidh ann a bhith a’ comharradh deich bliadhna de cho-obrachadh eadar pàrlamaidean na h-Alba is Mhalabhaidh .
Thuirt an Leas-Oifigear Riaghlaidh, Elaine Nic a’ Ghobhainn BPA:
“Tha e mar onoir mhòr an cothrom seo a bhith ann tadhail air Seanadh Nàiseanta Mhalabhaidh. Thar deich bliadhna, tha ar Pàrlamaidean air deagh chàirdeas de cho-obrachadh is de cho-ionnsachadh a stèidheachadh agus tha mise a’ dèanamh fiughair ri faicinn air mo shon fhìn cuid den obair bhunaiteach seo.”
A bharrachd air a’ chlàr aca aig an t-Seanadh Nàiseanta, bidh a’ bhuidheann cuideachd a’ tadhail air grunn phròiseact a fhuair taic o bhuidhnean Albannach, nam measg Mary’s Meals agus MUMs Recipes (Malawi Underprivileged Mothers), Mendulo Girls Go for Health agus Riaghaltas na h-Alba fad nan deich bliadhna a chaidh seachad.
Lean a’ Bh.Uas Nic a’ Ghobhainn oirre:
“Tha an càirdeas air leth eadar Alba is Malabhaidh, a tha a’ dol air ais gu linn tursan miseanaraidh Dhàibhidh MhicDhunleibhe thar Afraga, fhathast a’ ceangail ar dùthchannan. Tha iomadach neach Albannach, cuid de dhaoine na mo roinn-phàrlamaid fhìn nam measg, air a bhith ri obair luachmhor shoirbheachail ann am Malabhaidh agus tha mi a’ dèanamh fiughair ri cuid dhen obair seo fhaicinn dhomh fhìn.”
Cùl-sgeul
Tha triùir BhPA is dithis oifigear às Pàrlamaid na h-Alba a’ gabhail pàirt sa bhuidhinn seo, a’ riochdachadh Meur Alba de Chomann Pàrlamaideach a’ Cho-fhlaitheis (CPA), a bhios a’ fàgail na dùthcha gus dol a Mhalawi air 5 Gearran.
B’ ann an 2005 a chaidh ciad bhuidheann aig a' Chomann gu Malabhaidh. Tha gun leasaichear deamocrasaidh na pàrlamaid ann, tro chomhairle le fòcas is cuideachadh sònraichte, mar phàirt meadhanach de dh’obair Pàrlamaid na h-Alba ann am Malabhaidh.
‘S e tha sa CPA ach gach pàrlamaid is reachdas nàiseanta, sgìreil, stàite is dùthchail den Cho-fhlaitheas. Tha mu 185 meur sa CPA agus 17,000 neach-pàrlamaid mar bhuill. Bidh e a’ cur air adhart meas air ceannas an lagha agus còraichean is saorsa neachan air leth, a’ sireadh buannachdan pàrlamaid dheamocratigich.
Fios conaltraidh
Fios conaltraidh
Public information
- Telephone enquiry line: 0800 092 7500 or 0131 348 5395 (Gàidhlig)
- info@parliament.scot
- Text 07786 209 888
- Ask a question online through live chat
- We also welcome calls using the Text Relay service or in British Sign Language through contactSCOTLAND-BSL
Keep up to date with us on:
