30.04.2014
Bidh Oifigear Riaghlaidh Pàrlamaid na h-Alba a’ toirt am follais taisbeanadh is obair-ealain nach fhacas roimhe seo an-diugh mar chomharradh air fear dhe na gnothaichean spòrs as cliùitiche ann an saoghal a’ ghoilf, Cupa Ryder 2014, a thig a dh’Alba san t-Sultain.
Thèid dealbh-ealain oifigeil Cupa Ryder 2014 a chur air thaisbeanadh sa Phàrlamaid gu 4 Samhain. Air a dhèanamh le neach-ealain goilf Graeme Baxter, a tha aithnichte air feadh an t-saoghail, tha an dealbh a’ sealltainn an 2a toll tarraingeach air Cùrsa Ceud Comann Luchd-goilf Proifeiseanta ann an Gleann Eagas.
Thèid Taisbeanadh Dualchas Cupa Ryder a thaisbeanadh ann am Prìomh Thrannsa na Pàrlamaid gu Dihaoine 30 Cèitean. Anns an taisbeanadh tha grunn rudan ainneamh a thaobh cuimhne is comharra a chuireas an cèill eachdraidh an tachartais shuaicheantaich seo, a thòisich mar gheama càirdeil eadar luchd-proifeiseantaich às Breatainn ’s às Aimeireagaidh, a bha nam buill den Chomann Proifeiseantach, ann an Gleann Eagas.
Thuirt an t-Oifigear Riaghlaidh, Am Fìor Urr. Tricia Marwick:
“Tha e iomchaidh gun tèid fear de na gnothaichean spòrs as cliùitiche agus as aithnichte a chomharradh sa Phàrlamaid mar seo agus daoine air bhioran thar Alba Cupa Ryder fhaicinn san t-Sultain.
“Eadar luchd-goilf is luchd-leanmhainn eachdraidh, tha mi cinnteach gun toir luchd-tadhail gu Taigh an Ròid tlachd às an taisbeanadh àraid seo agus às sàr-obair ealain Graeme Baxter.”
Thuirt Sandy Jones, Ceannard Comann Luchd-goilf Proifeiseanta:
“Tha Cupa Ryder air fear dhe na tachartasan as motha dùil aig daoine ri linn mìosachan an spòrs agus e air tighinn gu bith às toiseach-tòiseachaidh an ìre mhath beag air ais sna 1920an agus e nis mar fhear de mhòr-thachartasan spòrs an t-saoghail.
“Sa bhliadhna a thilleas Cupa Ryder a dh’Alba, tha sinn fìor thoilichte Taisbeanadh Dualchas Cupa Ryder a thoirt gu Pàrlamaid na h-Alba agus tha mise an dòchas gun toir luchd-leanmhainn goilf tlachd às an taisbeanadh shònraichte seo anns a bheil tòrr stuth tarraingeach a bhuineas ri cuimhneachain o gheamaichean a chaidh seachad, a’ dol air ais cho fada ris a’ chiad gheam oifigeil ann an 1927.”
Thuirt Richard Hills, Stiùiriche Cupa Ryder na h-Eòrpa:
“Tha Cupa Ryder air fear dhe prìomh thachartasan spòrs an t-saoghail agus tha sinn glè thoilichte gu bheil e a’ tilleadh a dh’Alba, Dachaigh Goilf. Bidh na muilleanan de dhaoine bho air feadh an t-saoghail a’ coimhead air ìomhaighean tarraingeach Cupa Ryder 2014 ann an Gleann Eagas, nam measg an sealladh suaicheantach seo a chaidh a chruthachadh ’s a ghlacadh leis an neach-ealain, Graeme Baxter.”
Cùl-fhiosrachadh
Thèid Taisbeanadh Dualchas Cupa Ryder a shealltainn aig Pàrlamaid na h-Alba o Dhiciadain 30 Giblean gu Dihaoine 30 Cèitean.
Anns an taisbeanadh gu sònraichte bidh rudan pearsanta bho luchd-goilf a bha ann cho math ri dealbhan-camara nach fhacas ach ainneamh, fhad ’s a bhios sreath de bhogsaichean-taisbeanaidh – a chaidh a chur ri chèile a dh’aona ghnothach – agus bùird sgeulachdan graifigeach, ag innse eachdraidh nan geamaichean, a’ dèiligeadh ri mar a dh’fhàs seo o cho-fharpais chàirdeil gu fear dhe na tachartasan spòrs as motha air an t-saoghal.
Contact information
Media information
Public information
- Telephone enquiry line: 0800 092 7500 or 0131 348 5395 (Gàidhlig)
- info@parliament.scot
- Text 07786 209 888
- Ask a question online through live chat
- We also welcome calls using the Text Relay service or in British Sign Language through contactSCOTLAND-BSL
Keep up to date with us on: