18.03.2014
Tha ceuman a chuidicheas ri ùghdarrasan ionadail gus na cosgaisean a thig orra ann a bhith a’ dèanamh togalaichean easbhaidheach no cunnartach sàbhailte fhaighinn air ais air fàilte fhaighinn an-diugh bho Chomataidh Riaghaltais Ionadail agus Ùrachaidh aig Pàrlamaid na h-Alba.
Is iad na ceuman a’ chuid as cudromaiche de Bhile Bhall a chaidh a thoirt a-steach le Dàibhidh Stiùbhart BPA. Fo Bhile Thogalaichean Easbhaidheach is Cunnartach (Aiseag Chosgaisean) (Alba) thigeadh cosgaisean a thig air ùghdarrasan ionadail ann a bhith a’ càradh thogalaichean easbhaidheach no cunnartach air ais tro òrdan-chìsean.
Ann a bhith a’ cur a taice ri prionnsapalan coitcheann a’ Bhile, mhol a’ Chomataidh gun rachadh sùbailteachd a thoirt do na h-ùghdarrasan ionadail gus cosgaisean fhaighinn air ais thar ùine an crochadh air an t-sùim a thig orra cho math ri comas-pàigheadh nam fèichearan.
Thuirt Neach-gairm na Comataidh, Caoimhin Stiùbhart BPA:
“Tha e mar amas Achdan nan Togalach a tha ann an-dràsta daoine a dhìon bho chron a dh’fhaodadh a bhith air adhbharachadh le togalaichean a tha easbhaidheach no cunnartach. Tha am Bile far comhair air modh-obrach follaiseach a chruthachadh far am faod ùghdarrasan ionadail, mar as còir, na cosgaisean gus na togalaichean seo a chàradh fhaighinn air ais.
“Ach gus am bi am Bile na uidheam a tha dha-rìribh èifeachdach agus feumail do na h-ùghdarrasan ionadail, feumaidh sùbailteachd a bhith aige gus raointean-ama a chur an sàs a fhreagras air gach suidheachadh sònraichte.”
Ghabh a’ Chomataidh beachd cuideachd air suidheachadh nan comann-taigheadais nuair a dh’fheumar càradh a dhèanamh le cead gach sealbhadair agus às aonais. Tha a’ Chomataidh air iarraidh air na h-ùghdarrasan ionadail uile obrachadh gu dlùth le comainn-taigheadais gus an cuideachadh gus an càradh a tha a dhìth a dhèanamh.
Cùl-fhiosrachadh
Agus e air a thoirt a-steach anns an Dàmhair 2013, tha e mar amas aig Bile Thogalaichean easbhaidheach is Cunnartach (Aiseag Chosgaisean) (Alba) leigeil le ùghdarrasan ionadail òrdain-chìsean (a dhaingnicheas am fiach air an t-seilbh) a dhèanamh airson nan cosgaisean a dh’èireas nuair a tha iad air obair a dhèanamh air togalaichean a tha easbhaidheach no cunnartach fhaighinn air ais.
Is e a tha ann an òrdan-chìsean cìs reachdail a’ bualadh air fearann is seilbh, mar eisimpleir, a thaobh ais-phàigheadh iasaid, cosgaisean a dh’èireas fhaighinn air ais no tabhartasan air an dèanamh.
Fiosrachadh airson nam meadhanan
Linda Peters: 0131 348 6269
Conaltradh Text Relay dì-beathte
linda.peters@scottish.parliament.uk
Fiosrachadh mun chomataidh
David Cullum: 0131 348 5217
Conaltradh Text Relay dì-beathte
david.cullum@scottish.parliament.uk
Fiosrachadh poblach
- Fòn: 0800 092 7500
- Faodaidh luchd-cleachdaidh Fòn-teacsa fios a chur thugainn air 0800 092 7100
- Tha sinn cuideachd a’ cur fàilte air conaltradh a’ cleachdadh seirbheis Text Relay
- Teachdaireachd-teacsa: 07786 209888
Gabhaibh spèis dhuinn air Facebook airson an fhiosrachaidh as ùire air naidheachdan is tachartasan
Air neo faighibh a-mach barrachd air YouTube
Contact information
Media information
Committee information
Public information
- Telephone enquiry line: 0800 092 7500 or 0131 348 5395 (Gàidhlig)
- info@parliament.scot
- Text 07786 209 888
- Ask a question online through live chat
- We also welcome calls using the Text Relay service or in British Sign Language through contactSCOTLAND-BSL
Keep up to date with us on:
