12.03.2014
Bu chòir uile-smachd dà bhanca na h-àrd-shràide – Banca Rìoghail na h-Alba agus Banca na h-Alba – a bhith air a bhriseadh suas le bhith a’ stèidheachadh dòighean ùra creideis do ghnìomhachasan beaga agus meadhanach (GBMan), a rèir aithisg le Comataidh na h-Eaconamaidh aig Pàrlamaid na h-Alba.
An dèidh rannsachaidh a bha goirid mionaideach air ruigsinnneachd maoineachaidh do GhBMan, fhuair a’ Chomataidh gum feum sinn feadhainn aig a bheil raon diofraichte de bhathar is de mhalairt seach mar a gheibhear an ceartuair gus fìor roghainn a chruthachadh sa mhargaid, ’s chan e barrachd dhen aon seòrsa rud.
Chaidh Banca Rìoghail na h-Alba a bhrosnachadh cuideachd fianais ath-sgrùdadh air iasad airgid neo-eisimeileach a chur an gnìomh. Dh’iarr BPAan air a’ bhanca, a tha leis a’ mhòr-shluagh, sealltainn gu bheil e gu cinnteach air gabhail ri pròiseas an tiomnaidh a thaobh co-dhùnaidhean mu iasadan-airgid a bhith aig bancaichean ionadail ’s le manaidsearan a tha co-cheangailte riutha.
Cuideachd, bheachdaich an rannsachadh air diofar dhòighean maoineachaidh agus b’ e an co-dhùnadh ach gum feum an dà bhuidheann iomairt agus Geata Gnìomhachais fiosrachadh is eòlas tòrr nas fheàrr air modailean eile maoineachaidh a chor is gun urrainn dhaibh comhairle nas fheàrr a thoirt do ghnìomhachasan mu dheidhinn caochladh dhòighean iasaid seach dòigh àbhaisteach a’ bhanca.
Thuirt Neach-gairm Comataidh Eaconamaidh, Lùths is Turasachd, Murchadh Frìseil BPA:
“Thathar glè chleachdte air duilgheadasan iasadan banca an dèidh crìonadh na h-eaconamaidh. Ged a tha cùisean a’ coimhead rud beag nas fheàrr, ’s e seo duilgheadas a tha fhathast a’ cur dragh air gnìomhachasan beaga.
“Ged a thuirt an dà bhuidheann-iasaid as motha sa mhargaid gu bheil iad fosgailte do ghnìomhachasan, mar gum biodh, feumaidh sinn barrachd cofharpais ’s chan e barrachd dhen aon rud, a chor is gun tèid na dh’fhaodadh a bhith ann de shoirbheas do na mìltean de ghnìomhachasan Albannach fhuasgladh.
“Cuideachd, chan eil e math gu leòr gum bi na buidhnean iomairt againn, a gheibh maoineachadh on sporan phoblach, a’ fàilligeadh a thaobh comhairle a thoirt do ghnìomhachasan mu dè na dòighean-maoineachaidh eile a tha ri fhaotainn. Bu chòir dhaibh a bhith air thoiseach gus dèanamh cinnteach gum faigh gnìomhachasan na h-Alba am maoineachadh a tha a dhìth orra a chor is gum bi iad a’ fàs agus a’ meudachadh.”
Cùl-fhiosrachadh
B’ iad Banca Rìoghail na h-Alba (BRA) agus Banca na h-Alba (BnA) maraon a thug seachad aon 70% de dh’iasaidean-gnìomhachais na h-Alba ann an 2012.
Stiùir a’ Chomataidh trì seiseanan fianais anns an robh grunn neach-fianais, nam measg riochdairean o bhuidhnean leithid Banca Rìoghail na h-Alba, Banca na h-Alba, BrewDog, Caidreachas Gnìomhachasan Beaga na h-Alba, Banca Cur-an-Seilbh na h-Alba agus twintangibles.
Read the report
Economy, Energy and Tourism Committee report: Access to Finance and Alternative Financing Models
Contact information
Media information
Committee information
Public information
- Telephone enquiry line: 0800 092 7500 or 0131 348 5395 (Gàidhlig)
- info@parliament.scot
- Text 07786 209 888
- Ask a question online through live chat
- We also welcome calls using the Text Relay service or in British Sign Language through contactSCOTLAND-BSL
Keep up to date with us on:
