07.03.2014
Is e ‘Na tha boireannaich ag iarraidh, Na tha a dhìth air boireannaich’ cuspair Latha Eadar-nàiseanta nam Boireannach am-bliadhna a thèid a chomharrachadh aig Pàrlamaid na h-Alba Disathairne.
Bidh na ceudan de bhoireannaich à iomadh suidheachadh air feadh na h-Alba an làthair aig an tachartas bhliadhnail aig a bheil e mar amas euchdan nam ban a chomharrachadh agus cur ri pàirteachadh bhoireannach gus buaidh a thoirt air poileasaidh.
Air a’ phannal bidh tosgaire, cleasaiche, tè-phàrlamaid, saor-thoiliche agus tè-àbhachdais.
Thuirt Leas-oifigear Riaghlaidh Elaine Nic a’ Ghobhainn BPA, a bhios sa chathair aig an tachartas:
“Tha Pàrlamaid na h-Alba cho toilichte a bhith an sàs ann an comharrachadh seo Latha Eadar-nàiseanta nam Ban a chuir Còmhdhail Boireannaich na h-Alba air dòigh.
“Comharraichidh tachartas na bliadhna seo boireannaich à farsaingeachd dhreuchdan a’ tighinn còmhla gus an sgeul mu na bhios boireannaich ag iarraidh agus na tha a dhìth orra innse. Tha cruinneachadh farsaing is misneachail againn de luchd-labhairt againn agus nam measg tosgaire, tè-phàrlamaid, cleasaiche, saor-thoiliche agus tè-àbhachdais. Leigidh an tachartas seo le gach tè dhiubh a sgeul fhèin innse agus briathar a chur air na bhith a dhìth orra gus an gnothach a dhèanamh air cnapan-starra sam bith nam beatha.”
Tha Pàrlamaid na h-Alba air tachartas bliadhnail a chumail gus Latha Eadar-nàiseanta nam Boireannach a chomharrachadh a h-uile bliadhna bho 2007. tha an tachartas ga chur air dòigh le Còmhdhail Boireannaich na h-Alba agus is e an luchd-labhairt am-bliadhna:
- Agnes Tolmie – Cathraiche air Còmhdhail Boireannaich na h-Alba agus neach-iomairt gnìomhach ann an gluasad nam boireannach fad còrr is deich bliadhna air fhichead.
- Nicola Sturgeon BPA – Leas-Phrìomh-mhinistear agus Rùnaire a’ Chaibineit airson Bun-structair, Tasgaidh agus nam Bailtean-mòra.
- Alicia Castro – Tosgaire Argentine na Rìoghachd Aonaichte.
- Alison Fraser – Saor-thoiliche aig SWC.
- Abby Mavers - Cleasaiche (ann am pàirt Dynasty Barry) ann an Rathad Achadh a’ Chùirn air Telebhisean BBC.
- Susan Mhoireasdan – Tè-àbhachdais.
Cùl-fhiosrachadh
Tha Latha Eadar-nàiseanta nam Boireannach, air a chur air dòigh le Còmhdhail Boireannaich na h-Alba, ga chumail a h-uile bliadhna air 8 Màrt. Is e latha cruinneil a tha ann a’ comharrachadh euchdan eaconamach, poilitigeach agus sòisealta le boireannaich san àm a dh’fhalbh, san àm an làthair agus san àm ri tighinn.
Bidh Còmhdhail Boireannaich na h-Alba ag obair gus dòighean a leasachadh gus dèanamh cinnteach gum faod boireannaich ann an Alba buaidh a thoirt air na ro-innleachdan is na poileasaidhean a bhios a’ bualadh orra. Tha lìonra aig a’ Chòmhdhail de chòrr is 300,000 boireannach, feadhainn ri gnìomhachas, san eaglais, ann an aonaidhean-ciùird agus ann am buidhnean saor-thoileach nam measg.
Bidh buill de Chòmhdhail Boireannaich na h-Alba cuideachd a’ frithealadh air c-labhairt nan tè-phàrlamaid bho Roinn Eileanan Bhreatainn is na Mara (BIMR). Tha an tachartas ga chumail le Comann Luchd-pàrlamaid a’ Cho-fhlaitheis (CPA) agus thèid a cur air dòigh aig Pàrlamaid na h-Alba Disathairne is Didòmhnaich 15 is 16 Màrt.
Contact information
Media information
Public information
- Telephone enquiry line: 0800 092 7500 or 0131 348 5395 (Gàidhlig)
- info@parliament.scot
- Text 07786 209 888
- Ask a question online through live chat
- We also welcome calls using the Text Relay service or in British Sign Language through contactSCOTLAND-BSL
Keep up to date with us on: