Aig a’ chiad seisean fianais leis a’ Chomataidh air 19 Gearran, bheir Prìomh Rùnaire Roinn an Ionmhais, am Fìor Urr Danny Alexander BP, beachdan Riaghaltas na Rìoghachd Aonaichte seachad. Gabhaidh a’ Chomataidh an uair sin ri fianais bhon Leas-phrìomh Mhinistear, Nicola Sturgeon BPA agus Rùnaire a’ Chaibineit airson Ionmhais, Fastadh agus Fàs Sheasmhaich, Iain Swinney BPA.
Thèid luchd-ceannais gnìomhachais a cheasnachadh mun t-sealladh a tha aca airson na h-eaconamaidh aig coinneamh na Comataidh air 26 Gearran. Am measg an luchd-fianais bidh Rupert Soames bho Aggreko, Maitland Mackie bho MacKie’s of Scotland, Ben MacThòmais bho Inverleith Capital LLP agus Jim MacColla bho Clyde Blowers.
Cluinnidh a’ Chomataidh beachdan teòma cuideachd bho luchd-foghlaim agus bho bhuidhnean-beachdaidh eaconamach à Alba agus bhon Rìoghachd Aonaichte a thaobh mar a chì iad an eaconamaidh ag obair ma bhios bhòt seadh no chan eadh ann. Bheir buidheanan, agus Institiùid nan Sgrùdaidhean Fiosgail, Buidheann-obrach a’ Choimisein Fhiosgail agus an Institiùid Nàiseanta air Rannsachadh Eaconamach is Sòisealta nam measg, fianais don Chomataidh air 5 Màrt.
Bheir riochdairean bho dhà bhuidheann-iomairt – Yes Scotland agus Better Together – beachdan seachad cuideachd aig deireadh an rannsachaidh.
Thuirt Neach-gairm Comataidh Eaconamaidh, Lùtha agus Cùmhachd Murchadh Friseal BPA:
“Tha an rannsachadh seo a’ gabhail gnothaich ri ceistean a tha aig cridhe na deasbaireachd mun bhun-reachd againn. Tha sinn an dòchas le bhith a’ cluinntinn bho luchd-fianais aig ìre àrd a tha nan eòlaichean anns an raon aca gun cruthaich sinn cothrom air deasbad air feadhainn de na ceistean mòra a tha os cionn nan uile sna meadhanan an-dràsta.”
Cùl-fhiosrachadh
Tha liosta làn an luchd-fhianaise a bheir fianais seachad don chiad cheithir coinneamhan aig a’ Chomataidh mun rannsachadh mar a leanas:
19 Gearran 2014 – Ministearan na Rìoghachd Aonaichte agus na h-Alba
Pannal 1
Prìomh Rùnaire Roinn an Ionmhais, am Fìor Urr Danny Alexander BP
Pannal 2
Leas-phrìomh Mhinistear na h-Alba, Nicola Sturgeon BPA
Rùnaire a’ Chaibineit airson Ionmhais, Fastaidh agus Fàs Sheasmhaich, Iain Swinney BPA
26 Gearran 2014 – luchd-gnìomhachais
Pannal 1
· Rupert Soames, Aggreko
· Norman Springford, Taighean-òsta Apex Hotels
· Maitland Mackie, MacKie’s of Scotland
· Robert D. Kilgour, Ceannard Dow Investments agus Cathraiche Renaissance Care Scotland
Pannal 2
· Jim MacColla, Clyde Blowers
· Màiri Macklin, Klin Group
· Gòrdan Mac an t-Saoir-Kemp, Business for Scotland
· Dan Dòmhnallach, Oighreachd MhicDhòmhnaill
Pannal 3
· Ben MacThòmais, Inverleith Capital LLP
· Hugh Andrew, Birlinn Press
· Luchd-fianaise eile ri bhith air an daingneachadh
5 Màrt 2014 – buidhnean-beachdachaidh eaconamach, luchd-foghlaim agus an Coimisean Fiosgail
Pannal 1
· Pòl MacIain, Institiùid nan Sgrùdaidhean Fiosgail
· An t-Àrd Ollamh Jo Armstrong, Ionad Poileasaidh Poblach nan Roinnean
· An t-Oll Aonghas Armstrong, Institiùid Nàiseanta mu Rannsachadh Eaconamach agus Sòisealta
Pannal 2 (Coimisean Fiosgail)
· Crawford Beveridge, Cathraiche
· An t-Àrd Ollamh Anndra Hughes Hallett, Oilthighe Chille Rìmhinn agus Ball den Choimisean Fhiosgail
Pannal 3
· An t-Àrd Ollamh Dàibhidh Bell, ESRC fellow, Oilthigh Shruighlea
· An t-Àrd Ollamh Dàibhidh Simpson
· An t-Àrd Ollamh Teàrlach Jeffery, Oilthigh Dhùn Èideann
12 Màrt 2014 – poileasaidh airgid
· Sir Iain Gieve, a bha na leas-riaghladair air Banca Shasainn
· An t-Àrd Ollamh Raghnall Dòmhnallach, Oilthigh Ghlaschu
· An t-Ollamh Monique Ebell, Institiùid Nàiseanta mu Rannsachadh Eaconamach agus Sòisealta
· An t-Àrd Ollamh Anton Muscatelli, neach-eaconamachd poilitigeach (a’ nochdadh às a leth fhèin)
21 Cèitean – buidhnean-iomairt
Pannal 1
Am Fìor Urramach Alasdair Darling BP agus Blàr MacDhùghaill, Better Together
Pannal 2
Dennis Ó Ceannabháin (Canavan) agus Blair Jenkins, Yes Scotland
Tha an rannsachadh seo gu bhith a’ gabhail fianais gus an t-Ògmhios. Thèid luchd-fianaise airson nan seiseanan nas fhaide air adhart ainmeachadh sna seachdainean air thoiseach. Bheir na seiseanan seo sùil air raon cheistean mu bheil fiosrachadh ann an raon-ùghdarrais an rannsachaidh, agus nam measg:
· cùisean chìsean, caiteachais, iasadan agus fhiachan
· roinnean eaconamach, riaghladh, malairt agus margadh an luchd-obrach
· ceistean mu shochair agus mu cho-ionannachd
· lùth, eadar ola, gas agus stuth ath-nuadhachaidh
· ceistean AE agus eadar-nàiseanta, le leasan bho dhùthchannan thall thairis