Comataidh Eaconamachd Pàrlamaid na h-Alba gus tadhal air Irbhinn

13.09.2013

Nì a’ Chomataidh airson Eaconamachd, Lùths is Turasachd malairt mar gum biodh air Pàrlamaid na h-Alba airson a dhol gu Seòmraichean an Luchd-Saor-thoileach agus na BPAan gan suidheachadh fhèin gu h-às ùr ann an Irbhinn fad aon latha, air 30 Sultain.

Cumaidh na BPAan coinneamh Comataidh fhoirmeil sa bhaile, a’ togail fianais mun bhuidseat a thathar a’ moladh le Riaghaltas na h-Alba, fianais a thig bho Iomairt na h-Alba, Iomairt na Gàidhealtachd ’s nan Eilean agus VisitScotland.

 

Cuideachd, cumaidh a’ Chomataidh deasbadan, bùithtean-obrach le gnìomhachasan ionadaile mu bhuaidh a’ bhuidseit agus mu chaitheamh-ionmhais ionadail.

 

Thuirt Neach-gairm na Comataidh, Murchadh Frìseil BPA:

 

“Mar is trice bidh ar Comataidh a’ dèiligeadh ri cùisean a bheir buaidh air gnìomhachasan air feadh na dùthcha ’s mar sin tha e gu sònraichte cudromach gum faigh sinn a-mach à Dùn Èideann agus gun èist sinn ri daoine ionadail mu cheistean ionadail.

 

’S e fear de dh’amasan planaichean-caitheamh-ionmhais Riaghaltas na h-Alba gun cruthaich sinn dùthaich shoirbheachail tro fhàs eaconamach. ’S e ròl na Comataidh seo ceistean a chur ris na buidhnean sin air a bheil uallach seo a lìbhrigeadh, a chor is gun ainmich sinn am bi airgead luchd-pàighidh-chìsean air a chaitheamh san dòigh as èifeachdaiche.

 

“’S e seo sàr-chothrom do neach sam bith aig a bheil ùidh ann a bhith a’ cluinntinn mu mar a dh’fhaodadh am buidseat - a thathar a’ moladh aig Riaghaltas na h-Alba -buaidh a thoirt air beatha làitheil muinntir Siorrachd Àir agus na h-Alba.”

 

Cùl-sgeul

Tha coinneamh fhoirmeil na Comataidh fosgailte don mhòr-shluagh. Thèid a cumail ann an Seòmraichean an Luchd-Saor-thoileach ann an Irbhinn air Diluain 30 Sultain. Tha i saor ’s an-asgaidh ach feumar ticeadan fhaotainn ro-làimh le bhith a’ dol an conaltradh ri sgioba Seirbheisean Luchd-tadhail na Pàrlamaid (sp.bookings@scottish.parliament.uk no 0131 348 5200, air neo saorfhòn 0800 092 7600).

 

Bidh a’ Chomataidh airson Eaconamachd, Lùths is Turasachd a’ coinneachadh ri chèile uair san t-seachdain nuair a bhios a’ Phàrlamaid fo sheòl, agus tha 9 BPAan innte.