27.06.2013
Chaidh gairm airson fianais fhoillseachadh an-diugh air Bile Pòsaidh agus Com-pàirteachais Shìobhalta (Alba) le Comataidh Co-ionannachd Chothroman Pàrlamaid na h-Alba.
Enhanced with Microsoft Silverlight
Watch a short video interview with designer Felix Chabluk Smith Further information and related videos
Bheireadh am Bile pòsadh den aon ghnè a-steach agus dhèanadh e caochladh atharrachaidhean coitcheann air lagh a’ phòsaidh cuideachd. Nam measg seo bhiodh luchd-pòsaidh gun chreideamh seach creideamh a chur air aon rèir ri luchd-pòsaidh le creideamh, a’ ceadachadh gum faodte pòsaidhean sìobhalta a chumail àite sam bith, seach dìreach ionadan ceangailte ri creideamh, agus leigeil le daoine tar-ghnèitheach fuireach pòsta an dèidh dhaibh Teisteanas Aithneachadh-gnè fhaotainn.
Thuirt Neach-gairm na Comataidh Màiri Nic a’ Phì BPA:
“Is e an dreuchd a tha aig a’ Chomataidh am bile seo a sgrùdadh agus tha a’ ghairm airson fianais a chuir sinn a-mach an-diugh air a’ phròiseas sin a thòiseachadh. Faodaidh iadsan a tha ag iarraidh freagairt a thoirt air a’ ghairm airson fianais a dhèanamh tron làraich-lìn againn no le bhith a’ sgrìobhadh thugainn aig Pàrlamaid na h-Alba, ro 23 Lùnastal.
“Tha sinn gu math mothachail air na beachdan làidir air gach taobh den deasbad mun Bhile agus tha a’ Chomataidh airson is gum bi fios aig uimhir a dhaoine agus a ghabhas air na tha am Bile a’ moladh agus gum bi an cothrom aca na beachdan a nochdadh.“
Gheibhear ceangal ris a’ ghairm airson fianais a thig gu ceann 23 Lùnastal 2013 an seo
Fios conaltraidh
Fios do na meadhanan
Fios comataidh
Public information
- Telephone enquiry line: 0800 092 7500 or 0131 348 5395 (Gàidhlig)
- info@parliament.scot
- Text 07786 209 888
- Ask a question online through live chat
- We also welcome calls using the Text Relay service or in British Sign Language through contactSCOTLAND-BSL
Keep up to date with us on: