Bidh mar a bhios Pàrlamaid na h-Alba ag obrachadh agus mar as urrainn do bhuidhnean, charthannasan is iomairtean sòisealta buaidh a thoirt air a’ chlàr-ghnothaich aice mar fhòcas co-labhairt a ghabhas àite air Disathairne 22 Òmhios ann an Sruighlea. Tha an co-labhairt mar phàirt de dh’iomairt Latha na Pàrlamaid, aig am bi e mar amas Pàrlamaid na h-Alba a thoirt a-mach à Dùn Èideann.
Thèid an co-labhairt, a tha saor ’s an asgaidh, a chumail air àrainn Shruighlea de Cholaiste Srath Foirthe. ’S e seo a’ chiad uair a bhios Co-labhairt nan Coimhearsnachdan air a chumail taobh a-muigh Thaigh an Ròid.
’S e a tha fa-near leis a’ cho-labhairt ach cuideachadh a thoirt do bhuidhnean coimhearsnachd beaga ionadail aig ìre luchd-bhotaidh thar sgìre Srath Foirthe ach am faigh iad a-mach barrachd mu Phàrlamaid na h-Alba agus mu mar a thèid aca air na ceistean aca fhaotainn air clàr-gnothaich na Pàrlamaid.
Thuirt Rosemary Everett, Ceannard Seirbheisean Ruigsinn aig Pàrlamaid na h-Alba:
“Chan ann mu dheidhinn bhuidhnean mòra a tha an co-labhairt seo. ’S ann mu na buidhnean coimhearsnachd beaga, mu charthannasan, mu iomairtean sòisealta is mu dhaoine air leth a bhios ag obrachadh thar Srath Foirthe ’s mu na ceistean a tha cudromach dhaibhsan a tha e. Tha sinn an dòchas gun cuidich sinn iad a thaobh mar a thuigeas iad Pàrlamaid na h-Alba air dòigh phragtaigeach agus mar a bheir iad buaidh oirre.
“Chan e a-mhàin gur latha e sam bi cothrom dol an-sàs gu h-eadar-ghnìomhach, ach gheibh luchd-frithealaidh cothrom bruidhinn ris na BPAan ionadail aca – on sgìre aca fhèin ann am Meadhan na h-Alba is Fìobha agus bho na Comataidhean againne.
“Tha sinn an dòchas gun toir seo cothrom do bhuidhnean tuilleadh ionnsachadh mu mar a thèid iad an-sàs ris a’ Phàrlamaid, tro leithid siostam nan athchuingean poblach gu mar a dh’obraicheas ar comataidhean.”
Thèid an tachartas fhosgladh le Brus Crawford, BPA Shruighlea. Bidh BPAan, luchd-obrach is eòlaichean ri làimh gus dol an-sàs ri luchd-frithealaidh air na cuspairean a leanas:
· Meadhanan sòisealta
· Coimhearsnachdan
· Obair le meadhanan ionadail
· Athchuingean Poblach
· Tachartasan is taisbeanaidhean aig Taigh an Ròid
· Cuidich mise gus ur cuideachadh: sealladh BPA
· Buidhnean Thar-phàrtaidh.
Cùl-sgeul
Tha Co-labhairt nan Coimhearsnachdan nis air a bhith a’ dol fad còig bliadha. ’S e seo a’ chiad uair a bhios i air a chumail taobh a-muigh Thaigh an Ròid.
Tha an tachartas saor ’s an asgaidh agus faodaidh buidhnean àite a chur ar dòigh ann le bruidhinn ri Paul Anderson, Manaidsear Seirbheisean Ruigsinn Coimhearsnachd aig Pàrlamaid na h-Alba.
Tha an tachartas mar phàirt de dh’iomairt Latha na Pàrlamaid a bhios air a chumail ann an Sruighlea air Dihaoine 21 Ògmhios. ’S e amas Latha na Pàrlamaid ach a’ Phàrlamaid a thoirt a-mach à Dùn Èideann. Leigidh e le daoine obair na Pàrlamaid fhaicinn, eadar ’s gur i seo gnothaichean ‘oifigeil’ na Pàrlamaid air neo obair aig ìre nach eil buileach cho foirmeil.
Fios conaltraidh
Fuis Conaltraidh
Fios mun tachartas
Public information
- Telephone enquiry line: 0800 092 7500 or 0131 348 5395 (Gàidhlig)
- info@parliament.scot
- Text 07786 209 888
- Ask a question online through live chat
- We also welcome calls using the Text Relay service or in British Sign Language through contactSCOTLAND-BSL
Keep up to date with us on: