20.05.2013
Bu chòir prìomhachas a thoirt do dhìon àrainneachd na mara seach do cheist sam bith eile, an eaconamaidh san àireamh, ann an co-dhùnaidhean dealbhaidh nuair a bhios fianais mun bhuaidh doilleir. Ann an litir gu Rùnaire a’ Chaibineit Richard Lochhead BPA, tha Comataidh Chùisean Dùthchail, Atharrachadh na Tìde agus na h-Àrainneachd cuideachd ag iarraidh soilleireachaidh mun mhodh-dhealbhaidh mun mhuir agus dòigh-dèiligidh stèidhichte air fianais mu dhealbhadh agus rianachd nan cuantan againn.
Thuirt Neach-gairm na Comataidh Rob Gibson BPA :
“Tha na mìltean de ghnèithean eugsamhail ann an Alba a bhios an eisimeil air àrainneachd shaidhbhir na mara againn. Bho na mucan-biorach ann an Caolas Mhoireibh gu buthaidean a rinn na dachaigh aca san taobh a tuath is san taobh an iar. Tha a’ mhuir againn cuideachd a’ cumail gnìomhachas beothail an iasgaich agus the i deatamach do dh’eaconamaidh a’ bhathair thall-thairis againn agus nan ceanglaichean-còmhdhail ris a’ chòrr den t-saoghal.
“The deatamach fhèin mar sin gum faigh sinn ceart e.
“Tha a’ Chomataidh againn taiceil ri Riaghaltas na h-Alba agus mar a tha san amharc aige comhairle a chur mu stèidheachadh plana-mhara nàiseanta, air àrainn air an dìon sa mhuir agus air dealbhadh mu ath-nuadhachadh mara. Feumaidh sinn dèanamh cinnteach, ge-tà, nuair a bhios cion fianais ann mun bhuaidh a bheir leasachadh gur h-e am prìomhachas bunaiteach a bhios ann an-còmhnaidh àrainneachd na mara againn”.
Cùl-fhiosrachadh
Fhuair a’ Chomataidh fianais air ceistean mun mhuir bho Marine Scotland, luchd-pàirteachaidh agus Rùnaire a’ Chaibineit airson Chùisean Dùthchail agus na h-Àrainneachd. Gheibhear copaidh den litir an seo.
Fios conaltraidh
Fios do na meadhnanan
Fios mun chomataidh
Public information
- Telephone enquiry line: 0800 092 7500 or 0131 348 5395 (Gàidhlig)
- info@parliament.scot
- Text 07786 209 888
- Ask a question online through live chat
- We also welcome calls using the Text Relay service or in British Sign Language through contactSCOTLAND-BSL
Keep up to date with us on: