07.05.2013
Tha prìomh chomataidh phàrlamaideach air aonta a chuir ri prionnsabalan coitcheann Bile Reifreann Neo-Eisimeileachd na h-Alba (Còir-bhòtaidh).
Tha am Bile a' cur an cèill cò a tha airidh air bhòtadh anns an reifreann an ath-bhliadhna agus bheir i comas do dhaoine aig aois 16 agus 17 a’ bhòtadh.
Tha aithisg a’ chiad ìre, a chaidh fhoillseachadh an-diugh le Comataidh Bile na Reifreinn, a’ gabhail a-staigh na leanas:
- tha a’ chomataidh ag aontachadh gu bheil e freagarrach còir-bhòtaidh airson daoine nas sinne na 18 bliadhna a’ stèidheachadh air clàr-bhòtaidh riaghaltasan ionadail;
- tha a’ mhòr-chuid den chomataidh a cuir aonta ri bhith a’ leudachadh aois còir-bhòtaidh na reifreann airson daoine aig aois 16 and 17 a ghabhail a-staigh, a chuireas 120,000 daoine a’ bharrachd ris a’ chòir-bhòtaidh;
- tha a’ chomataidh toilichte leis a’ chòir-bhòtaidh a tha Riaghaltas na h-Alba a’ cur air adhart a thaobh sgiobachd seirbheis – an rud as cudromaiche a-nis, a rèir a’ chomataidh, ’s e gu bheil an Coimisean Taghaidh, Oifigearan Clàraidh Taghaidh agus Ministreachd an Dìon ag obair gu h-èifeachdach le chèile;
- tha a’ mhòr-chuid den a’ chomataidh a cuir taic ris a' bheachd a th’aig Riaghaltas na h-Alba nach bu choir cead a bhith aig prìosanaich sam bith a’ bhòtadh anns an reifreann;
- tha a’ Chomataidh an ìre mhath toilichte le ullachaidhean anns a’ Bhile airson “clàr luchd-bhòtaidh òg” eadar-dhealaichte a chruthachadh agus a chumail;
- tha a’ chomataidh ag aontachadh gu bheil feum air dòigh-obrach co-eagraichte airson mothachadh a dhùsgadh a tha stèidhichte air comhairle shoilleir agus a’ cumail suas neo-chlaonachd poilitigeach. The i cuideachd ag aontachadh gu bheil pàirt sònraichte aig a’ Choimisean Taghaidh ri chluiche anns a’ phròiseas seo, ag obair còmhla ri iomadh bhuidheann eile; chan eil a’ chomataidh den bheachd gu bheil feum aig buidheann sam bith eile, a thaobh air a’ Choimisean Taghaidh, air dleastanas fon lagh airson am brosnachadh a bhith a’ gabhail pàirt; agus
- a thaobh mothachadh a’ chruthachadh am measg luchd-bhòtaidh nas òige anns na sgoiltean, tha a’ chomataidh dearbhte gu bheil na daoine a tha a’ gabhail pàirt aig ìre ionadail, nam measg Oifigearan Clàraidh Taighaidh agus luchd-teagasg, a’ tuigsinn mu thràth de dh’fheumas iad a dhèanamh agus gu bheil iad comasach ann a bhith a’ tarraing aire dhaoine òg a thaobh ceistean co-cheangailte ri saoranachd ann an dòigh freagarrach agus neo-lethbhreitheach.
Thuairt Bruce Crawford BPA, Neach-Gairm Comataidh Bile na Reifreinn:
“Tha am Bile Còire-Bhòtaidh a’ cur an cèill cò bhios airidh air bhòtadh anns an reifreann agus cuideachd mar a thèid daoine – gu h-àraidh luchd-bhòtaidh a tha eadar 16 agus 17 bliadhna a dh’aois – a chlàradh roimh làimh.
“Rinn a’ chomataidh sgrùdadh mionaideach air Bile Riaghaltas na h-Alba airson dèanamh cinnteach gum bith earbsa aig a’ Riaghaltas, agus aig luchd na h-Alba, anns na h-ullachaidhean còire-bhòtaidh.
“Tha an comataidh againn a’ moladh don Phàrlamaid gum bu chòir dhaibh aonta a chur ri prionnsabalan Bile Reifreann Neo-Eisimeileachd na h-Alba (Còire-bhòtaidh).”
Cùl-sgeul
Thathar an dùil gu bheil a’ Phàrlamaid air fad a’ dol a dheasbad a’ chiad ìre den Bhile air 14mh den Chèitean 2013.
Tha aithisg a’ chiad ìre bho Comataidh Bile na Reifreann ri lorg air duilleagan làrach-lìn a’ Chomataidh:
http://www.scottish.parliament.uk/parliamentarybusiness/CurrentCommittees/55798.aspx
Fios conaltraidh
Fios meadhanan
Fios comataidh
Public information
- Telephone enquiry line: 0800 092 7500 or 0131 348 5395 (Gàidhlig)
- info@parliament.scot
- Text 07786 209 888
- Ask a question online through live chat
- We also welcome calls using the Text Relay service or in British Sign Language through contactSCOTLAND-BSL
Keep up to date with us on: