29.03.2013
Bidh teagasg nan cànanan-cèin ann am bun-sgoiltean na h-Alba mar chuspair aig co-labhairt a thèid a chumail aig Pàrlamaid na h-Alba sa Chèitean 2013.
28.03.2013
Tha ro-innleachd gus a dhèanamh cinnteach gun tèid an aon chothrom air cur-seachadan brìoghmhor ann an obair, ann am foghlam is ann an ath-ghnàthachadh a thairgse do phrìosanaich uile na h-Alba, a dhìth a rèir Comataidh a’ Cheartais.
27.03.2013
Tha Comataidh an Ionmhais air a taic a chur ris na prionnsapalan coitcheann ann am Bile Cìs Dìoghladh Fearainn is Thogalaichean (Alba) ann an aithisg a chaidh fhoillseachadh an-diugh.
26.03.2013
Chaidh treòr Mhinistearan agus iomairt a thogas aire a’ mhòr-shluaigh gun lethbhreith a dhèanamh air Luchd-Ròmanaidh/Luchd-Siubhail iarraidh le Comataidh Co-ionannachd Chothroman san aithisg aca a chaidh fhoillseachadh an-diugh.
21.03.2013
Tha a’ chomataidh aig Pàrlamaid na h-Alba ris a bheil e an urra sgrùdadh a dhèanamh air an reachdas gus reifreann air neo-eisimeileachd a chumail ag iarraidh fianais mun Bhile.
20.03.2013
Chuir Comataidh Foghlam is Cultar Phàrlamaid na h-Alba taic, le mòr-chuid, ri prionnsapalan coitcheann Bile Foghlam Às Dèidh aois 16 (Alba) ach tha draghan aca mun reachdas a tha san amharc.
19.03.2013
Thèid a’ bhuaidh a bheir a’ Chairt Rìoghail air Fèin-smachdachadh leis na Pàipearan Naidheachd a sgrùdadh le Comataidh Foghlaim is Cultair na Pàrlamaid.
18.03.2013
Air Dimàirt 19 Màrt bheir A Foirfeachd Dr Joyce Banda, Ceann-Suidhe Poblachd Malawi, a ciad chuairt oifigeil mar Cheann na Stàite do Phàrlamaid na h-Alba.
18.03.2013
Tha na h-ullachaidhean san àm ri teachd mu stiùireadh is cumail suas Drochaid an Fhoirthe air aonta fhaighinn ann an aithisg a chaidh fhoillseachadh an-diugh le Comataidh Bun-structair is Tasgadh Calpach aig Pàrlamaid na h-Alba.
18.03.2013
Cuir tàbhachd air foghlam agus thoir coimhearsnachdan an sàs gus stad a chur air call bith-eugsamhlachd (biodiversity), tha Comataidh Chùisean Dùthchail, Atharrachadh Clìomaid agus na h-Àrainneachd ag iarraidh