16.10.2012
Tha taisbeanadh a tha a’ cur cèill mar a tha deichnear neach ann an Alba air ceangal a dhèanamh ri Pàrlamaid na h-Alba gus atharrachadh adhbharachadh a’ fosgladh ann an Clachan Eòin (St John’s Town of Dalry), Dùn Phris, an-diugh (Dimàirt 16 Dàmhair).
Tha na ‘Sgeulachdan Siùbhlach’ air a bhith a’ siubhal na h-Alba bho 2009, nam measgachadh de dhealbhan-dhaoine, stuth-amhairc is stuth-èisteachd ann an ionadan air feadh na dùthcha. Tha an taisbeanadh ag aithris mu na dh’fhiosraich deichnear a tha air buaidh a thoirt ann an Alba thiomnaichte le athchuingean, greis-obrach agus ceangal ri Pàrlamaid na h-Alba.
Agus i a’ cur fàilte air an taisbeanadh gu Dùn Phris, thuirt an t-Oifigear Riaghlaidh Tricia Marwick BPA:
“Tha còrr is 200,000 neach air an taisbeanadh seo fhaicinn ma-thà agus e a’ siubhal air feadh na h-Alba. Tha mi cho toilichte gu bheil e air nochdadh ann an Dùn Phris a-nis, oir tha e cudromach gun dèan Pàrlamaid na h-Alba ceangal ri dùsgadh-inntinn is àrd-amas dhaoine air feadh na dùthcha.
“Tha iomadach dòigh ann gus ceangal a dhèanamh ris a' Phàrlamaid, biodh e tro iomairt, a’ cur athchuinge a-steach no a' dèanamh ceangail le Buill aig tachartas no taisbeanadh air a chumail le buill, agus tha e mar amas aig na 'Sgeulachdan Siùbhlach' feadhainn de na modhan seo a thoirt gu bith."
Thuirt Marie Davie bho Chomataidh-rianachd Talla-baile Chlachan Eòin:
“Tha Comataidh-rianachd Talla-baile Chlachan Eòin toilichte fàilte a chur air taisbeanadh Pàrlamaid na h-Alba don bhaile. Thathar an dòchas gun tarraing e tòrr luchd-tadhail gu Talla a’ Bhaile is gun cuir e cuideam air ruigsinneachd na Pàrlamaid na h-Alba don t-sluagh.
Cùl-fhiosrachadh
Fuirichidh an taisbeanadh Sgeulachdan Siùbhlach anns an Talla-baile ann an Clachan Eòin gu Diardaoin 1 Samhain.
'S iad an deichnear aig am bi sgeul san taisbeanadh:
Gemma Nic an Tòisich, A' Ghàidhealtachd 's na h-Eileanan, a bhios ag iomairt airson taic nas fheàrr do dhaoine ann an Alba aig a bheil trioblaid fradharc.
“Tha mise air aon eisimpleir de mhòran daoine le feumalachdan a bharrachd a chaidh a leigeil sìos le siostam an fhoghlaim. Tha mi airson an siostam atharrachadh agus mar a dhèiligear ri clann le trioblaid fradharc."
Bob Reid, Alba mu Dheas, a chuir athchuinge a-steach gus Goireasan do Mhotor-Rothairean Far-an-Rathaid a chur air chois.
“Creididh mise gu làidir gu bheil mar gum biodh iuchar ann don a h-uile òganach, as bith dè na duiligheadasan aca... thoir dhaibh dùbhlan ùr, rudeigin a thuigeas iad, rudeigin dom buin iad."
Tina NicÌomhair, A' Ghàidhealtachd 's na h-Eileanan, a chuir athchuinge post-d a-steach mu oidhirp leigheasan aillse fhaotainn air Seirbheis Nàiseanta na Slàinte.
“Chuir sinn romhainn iomairt a chur air bhonn, ged nach robh guth air an fhacal iomairt aig an àm. Sgrìobh Mìcheal litir agus sheòl mise mar phost-d i don a h-uile duine air an siostam agam 's dh'iarr mi orra a cur chun nam Ball-Pàrlamaid aca, 's mar sin b' e sin an toiseach-tòisichidh."
Walter Baxter, Taobh an Ear-thuath na h-Alba, a chuir athchuinge air dòigh gus cur an aghaidh mar a bhathar a' coimeasgadh ionadan sònraichte airson dhaoine a dh'fhulaingeas dòirteadh-fala eanchainne.
“Tha a bhith a' fulaing le tinneas-eanchainne glè dhoirbh, chan ann dhut fhèin a- mhàin ach do na daoine a tha a' toirt an aire dhut. 'S e glè bheag de chùram an dèidh làimh a th' ann do dhaoine le tinneasan eanchainne."
John Muir, Taobh a Siar na h-Alba, a chuir athchuinge a-steach gus cur an aghaidh eucoir le sgeinnean an dèidh bàs a mhic.
“Saoilidh mi gun do thuig muinntir Ghrianaig agus daoine sna ceàrnaidhean mun cuairt gur e suidheachadh mo mhic Damian rud a dh'fhaodadh tachairt dha mac no nighean aca fhèin... feumaidh rudeigin atharrachadh."
An t-Urr. Iain Dòmhnallach, A' Ghàidhealtachd 's na h-Eileanan, a tha air Àm Cnuasachaidh a stiùireadh an am Pàrlamaid na h-Alba.
“Tha daoine an seo gu mòr an-sàs san rud ris an canar coimhearsnachd, agus ann an ceistean ceartas sòisealta. 'S e chuireas fìor choimhearsnachd an cèill ach ciamar a bheirear aire do na daoine is feumaile aice."
Iain MacLeòid, Lodainn, a chuir dà athchuinge a-steach mu chùisean Gàidhlig, agus a tha gu mòr an-sàs ann an cùisean cultar is Gàidhlig ann an Dùn Èideann.
“'S e bh' air chùl na h-iomairt ach feum air inbhe shònraichte don chànan a chor’s gum bi leasachaidhean leantainneach comasach san àm ri teachd."
Amal Azzudin à Glaschu, a thog iomairt an aghaidh a bhith a' glacadh luchd-sireadh-tèarmainn sa chamhanaich leis nach do shoirbhich dìon poilitigeach fhaotainn.
“'S e a thugadh a-mach leis an iomairt aig a' char is motha ach aire a thogail... 's e sin an aon rud a b' urrainn dhuinn a dhèanamh."
Claire Ewing, Ball de Phàrlamaid Òigridh na h-Alba.
“Buinidh poilitigs ris a h-uile rud 's ris a h-uile àite, ach cha tuig an òigridh sin... ma tha rud a dhìth ort, nì thu strì air a shon... feumaidh tu creidsinn annad fhèin agus anns gach nì a tha thu ris."
Rebecca Brown, Teis-meadhain na h-Alba, a rinn greis-gnìomhachais aig oifis roinneil a BPA ionadail.
“An tuigse gum buin poilitigs ris a h-uile rud. Chan eil dol às agad... gu fìrinneach, feumaidh tu a bhith an-sàs ann, bheir e buaidh ort co-dhiù."