10.02.2012
Tha na riaghailtean mu na Buidhnean Tar-phàrtaidh (Cross Partaidh Groups) aig Taigh an Ròid gu bhith air an sgrùdadh le comataidh aig a’ Phàrlamaid, chaidh a chur an cèill an-diugh.
Tha na riaghailtean mu na Buidhnean Tar-phàrtaidh (Cross Party Groups) aig Taigh an Ròid gu bhith air an sgrùdadh le comataidh aig a’ Phàrlamaid, chaidh a chur an cèill an-diugh.
Nì Buill Comataidh Inbhean, Dòighean-obrach agus Cur-an-dreuchd Poblach ath-bhreithneachadh air cho èifeachdach is a tha na buidhnean sin a rèir nan ìrean de dh’fhollaiseachd is de riaghaladh a tha ann an-dràsta.
An-dràsta, tha còrr is 1,000 buidheann an sàs anns an obair aig 65 Bhuidhnean Tar-phàrtaidh air an clàradh ann am Pàrlamaid na h-Alba, agus tha 107 a-mach à 129 Buill nam buill de aon Bhuidheann air a’ char as lugha.
Thuirt Neach-gairm na Comataidh Dàibhidh MacThòmais BPA:
“Ged a thathar mothachail air an obair phrìseil a nì na Buidhnean, tha e cudromach gun dèanar cinnteach gun cruthaich an siostam fosgailteachd is follaiseachd gach cuid do luchd-pàirteachaidh is don phoball anns an fharsaingeachd. Is e toirt gu buil na follaiseachd seo, gun a bhith a’ riaghladh nam Buidhnean cus, an t-amas a tha aig ath-bhreithneachadh na comataidh.
“Bithear a’ sealltainn mar sin air cho èifeachdach is a tha na riaghailtean mu na Buidhnean an-dràsta ag obair agus am faodar atharrachaidhean sam bith a dhèanamh mar leasachadh air an rian a thaobh clàradh, obrachadh is riaghladh nam Buidhnean.”
Tha a’ chomataidh a’ sireadh bheachdan air obrachadh is riaghladh nam Buidhnean agus tha i air 16 ceistean a chur còmhla a chuireas cruth air an obair-chomhairleachaidh aice.
Is e an raon-ùghdarrais a tha aig an rannsachadh:
Ath-bhreithneachadh a dhèanamh air na riaghailtean mu Bhuidhnean tar-phàrtaidh ann am Pàrlamaid na h-Alba agus atharrachaidhean sònraichte a mholadh gus leasachadh a thoirt air:
- èifeachdalachd;
- modhan-clàraidh,
- obrachadh; agus
- riaghladh nam Buidhnean Tar-phàrtaidh.
Gheibhear fiosrachadh iomlan air duilleag-lìn na comataidh.
Is e an ceann-latha mu dheireadh gus beachdan a chur a-steach ann an sgrìobhadh Didòmhnaich 15 Giblean 2012.
Related links
- Full details can be found on the committee’s webpage
- Current Cross-Party Groups