31.01.2012
Thèid iarraidh air Pàrlamaid na h-Alba a-màireach gabhail ri ainmneachadh Rosemary Agnew mar Choimiseanair ùr Saorsa Fiosrachaidh na h-Alba.
Bidh a' Bh.ph Agnew, a tha an-dràsta mar Àrd-oifigear Coimisean Gearanan Laghail na h-Alba, a' gabhail àite Kevin Dunion, a bhios a' fàgail a dhreuchd air 23 Gearran 2012.
Air a chruthachadh fo Achd Saorsa an Fhiosrachaidh (Alba) 2002, tha Coimiseanair Saorsa Fiosrachaidh na h-Alba freagrach as a bhith a' cur an gnìomh agus ag adhartachadh reachd saorsachd fiosrachaidh na h-Alba.
Mairidh an dreuchd fad sia bliadhna gu h-iomlan agus 's e £78,000 tuarastail na bliadhna. Thèid iarraidh air a' Phàrlamaid aonta a chur ri ainmneachadh a' Mh.ph Agnew mus tèid am moladh air adhart gu A Mòrachd a' Bhanrigh gus a dhèanamh foirmeil. Ma ghabhar ris, thathar an dùil gun tòisich a' Bh.ph. Agnew a dreuchd sa Giblean.
Fiosrachadh Eachdraidh-beatha
Ron obair aice le Coimisean Gearanan Laghail na h-Alba, bha a' Bh.ph. Agnew ag obair aig Ombudsman an Riaghaltais Ionadail fad 8 bliadhna. Ri linn a dreuchd tha i air a bhith dealasach a thaobh prionnsapalan na cunntachalachd agus na follaiseachd agus rinn i obair le raon bhuidhnean san roinn phoblach agus phrìobhaideach gus piseach a thoirt air seirbheisean agus dòighean-obrachaidh.
Teacsa Gluasaid ri cheadachadh leis a' Phàrlamaid air 1 Gearran 2012
Gu bheil a' Phàrlamaid ag ainmneachadh Rosemary Agnew do A Mòrachd a' Bhanrigh airson a cur an dreuchd mar Choimiseanair Saorsa Fiosrachaidh na h-Alba.
Contact information
Media
Public information
- Telephone: 0800 092 7500
- Textphone users can contact us on 0800 092 7100.
- We also welcome calls using the Text Relay service.
- Text message: 07786 209888
- sp.info@scottish.parliament.uk
You can now also follow us on twitter @scotparl