08.12.2011
Chaidh am fiosrachadh as ùire mu chosgaisean pàrlamaideach nam Ball fhoillseachadh air an làrach-lìn againn an-diugh.
Tha cosgaisean nam Ball airson Cairteil 4 den bhliadhna ionmhais 2010/11 rim faighinn air-loidhne tro stòr-dàta air làrach-lìn na Pàrlamaid.
Chaidh pàipear ullachaidh fhoillseachadh cuideachd an-diugh le fiosrachadh mu na chaidh a chosg sa bhliadhna uile gu lèir. Tha figear iomlan na bliadhna £11,849,399 suas 1.6% air figear na bliadhna an-uiridh.
Thuirt neach-labhairt aig Pàrlamaid na h-Alba: “Chaidh cosgaisean na bliadhna seo suas 1.6% air figear na bliadhna an-uiridh. Le RPI aig 5.3% agus CPI aig 4.0% thairis air an aon àm, is e lughdachadh susbainteach a tha seo ann an cosgaisean nam BPA agus iad a’ dèanamh na h-obair pàrlamaidich aca”.
“Tha na figearan seo bho àm mus deach an reothadh pàighidh is chosgaisean aig na BPA a chur an gnìomh air 1 Giblean 2011.”